viernes, 22 de abril de 2016

«Federakuntzak eta ner group, elkarrekin “pilota berpizteko”»





Euskadiko Pilota Federakundea | Federación Vasca de Pelota (@EPfederakuntza): «Federakuntzak eta ner group, elkarrekin “pilota berpizteko”»

Akordioak 400.000 euroko diru-laguntza eta 25 bolondresen lana barnebiltzen ditu, kirol hori eskoletara hurbiltzeko helburuarekin.

Euskadiko Euskal Pilota Federakuntzak, Ner Groupek eta Bizkaiko, Gipuzkoako eta Arabako Euskal Pilota Federakuntzek indarrak batu dituzte anbizio handiko proiektu batean eta Federakuntzako presidentea den Patxi Jauregik dioenez, akordio honen asmo bakarra -pilota gurea den bezala harrobitik bultzatzea da, Lehen Hezkuntzako ikastetxetik-. Zentzu honetan, akordioaren xedea -kirol, politika eta, batez ere, gizarte aldetik konpromiso bat lortzea da-.

Hitzarmenaren edukia oso garrantzitsua eta onuragarria izango dela aurreikusten da, Koldo Saragatxak bultzatutako Ner Groupek 400.000 euro emango dituelarik datozen hiru urteetan. Honetaz gain, Ner Groupeko 25 bolondreseko lan-talde bat egongo da lanean, horietako batzuk Federakuntzako kontseiluan bertan egongo direlarik, eta beste batzuk, tekniko arduradunei lagunduz.

Akordio honekin, euskal pilota berriro ere erreferente bilakatzea espero da, bai ikastetxetan eta baita herrietan ere. Momentu hauetan, kirol eskaintza hain zabala izatea, Hegoalden 3.000 federatu inguru soilik egotea ekarri du. Erremintako modalitateek ere une latzak bizi dituztela aipatu nahiko genuke.

Gauzak honela, hitzarmen hau oso garrantzitsua izango da gure kirolarentzat, baina aurrera atera ahal izateko, agente ezberdinen bultzada beharko dugu. Hau da, Eusko Jaurlaritza, Diputazioak, Udaletxeak, klubak ikastetxeak eta gizartea batzea, akordio honetan; euren lana ezinbestekoa baita pilotak berriro ere bere distira errekuperatu dezan.


ner group eta Federazioen arteko akordioa

Herrialde mailan Euskal Pilotari buruzko proiektu bat lortzea, Euskadiko, Bizkaiko, Gipuzkoako eta Arabako Euskal Pilota Federakuntzen parte hartzearekin, beti ere.

Proiektuan Eusko Jaurlaritza, Diputazioak, Udaletxeak, klubak, ikastetxeak eta gizartea bera sartuko dira eta horiekin guztiekin partekatuko dugu proiektua.

Ner Groupek hiru urteko kolaborazioa eskainiko du, 400.000 €-ko aportazioa burutuz. Lan-eremuan neska eta mutilen arteko berdintasuna egongo da eta jokalariek ez dute dirua kobratuko parte hartzeagatik.

Era berean, eta Ner Groupek dauzkan gizartearekiko konpromisu kriterioen arabera, Ner Groupek hogeita bost bolondresen inguruko talde bat osatu du, Euskadiko Euskal Pilotako Federakuntzako Kontseiluan lan egiteko eta tekniko arduradunekin kolaboratzeko.

Lanak bi ardatz izango ditu. Alde batetik; aipatutako estamentuen arteko gizarte sentsibilizazioa eta elkartasuna, eta bestetik; lau federazioetako zuzendari teknikoek gidatuko duten planifikazioa eta lana.













No hay comentarios:

Publicar un comentario